下午接近兩時, 我從病房出發到老人科門診, 在途中遇到 M婆婆。
「Dr S, 我一間嚟覆診呀。」將近 75歲的M 婆婆滿面笑容, 狀甚愉快。
「好呀, 一陣見! 」在我心目中, 她一向是個樂觀的人。
我替 M 婆婆婆診症已有好幾年了, 對她的情況甚為了解; 她也對我非常信任, 縱然不是內科的醫學問題, 都會在門診時詢問我的意見。
接近四時正, M 婆婆推門進入診症室。
「Dr S, 你睇, 今日我啲血糖幾好! 」婆婆急不及待對我說。
看看血糖紙, 婆婆今天的手指血糖 Hstix 只有 4.6, 真的不錯。通常 Hstix 數值在 8 以下屬於良好。
「幾好喎, 咁平日啲督手指呢? 」婆婆已有糖尿病多年, 現在需要打糖尿針。通常若病友需要打糖尿針, 我們會建議他們在家'督手指'以監察血糖。
「有呀。」婆婆拿出血糖簿讓我檢查。
我翻看着血糖簿, 數值大部分在 5 至9左右, 控制得真的不錯。再仔細看看, 有幾個數值卻低於4。血糖低於4, 屬於偏低數值, 有機會出現低血糖徵狀。
「咦? 有幾個血糖低過4嘅? 你個時有無唔舒服㗎? 頭暈、肚餓、好倦個啲呢。」低血糖症徵狀, 正正就是這些。
「無呀。我無野喎。」
我再望望婆婆最新的抽血報告, Hba1c 血紅糖
化指數高達 8.9%, 屬偏高! 照理 '督手指' Hstix 一直正常, 甚至偏低, 長期血糖控制指數 Hba1c 應該偏低才是, 為什麼她的卻反而偏高呢?
我在一直思索着。。。
「不如同你安排個駁機睇住成日嘅血糖呀! 嗱, 你去呢度整呀。 」我突然想起。
Continuous Glucose Monitoring 連續式血糖監察器是近年才被使用的血糖量度方法。只要病友把儀器放在皮膚上, 不同 '督手指' 也能監察血糖。
「嘩! 咁麻煩! 唔制呀, 唔使啦! 」婆婆顯得很抗拒。
「唔係好麻煩啫, 叫你個女同你去嘛。」
「佢好忙㗎。。。佢唔得閒同我去㗎。。。」突然, 婆婆雙眼通紅, 細聲對我說: 「其實係我督手指個日特登食少咗野啫, 我廢事你又加我糖尿針呀嘛。。。」
婆婆低着頭。。。
那怪不得 Hstix 與 Hba1c 相差這麼遠。原來婆婆是刻意在量手指血糖時只吃麥皮, 好讓血糖數值處於良好水平。少吃了東西, 胰島素卻照打, 血糖當然有機會偏低。
「婆婆, 你咁扼我無用㗎喎, 你咁樣我較唔到你啲針嘅度數㗎。」我嘗試語重心長。。。
「唉! 我都唔想控制得咁好, 有時真係想走咗去算。。。你知唔知呀, 我個女話遲啲要移民, 話要送我去老人院呀, 你話我個心會點諗。。。」說着說着, 婆婆眼泛淚光。。。
醫治疾病, 從來都不是診斷正確, 然後適當用藥, 就會藥到病除。許多種種其他因素, 心理、家庭環境、照顧支援、經濟等等, 都會影響着每個人。
作為老人科醫生, 應該對此感受最深。
Search